Belgjika mposhti kampionin e Evropës, e pret Italia në çerekfinale

 
Ka përfunduar ballafaqimi ndërmjet Belgjikës dhe Portugalisë me fitoren e belgëve që kualifikohen në çerekfinale të Kampionatit Evropian. Ndeshja përfundoi me rezultat minimal 1-0 në “La Kartuja” të Sevillas.
Ishte Thorgan Hazard lojtari që e vendosi fatin e këtij takimi me golin e tij të realizuar në minutën e 42’ të ndeshjes.
Në dhjetë minutat e fundit Portugalia e kërkoi me të gjitha forcat golin e barazimit madje edhe e goditi shtyllën por që nuk ia doli të bënte më shumë.
Në çerekfinale të Euro 2020 Belgjika do të ballafaqohet me Italinë që mposhti Austrinë me rezultat 2-1.