BERZH për forcim të mbështetjes për firmat e vogla në Ballkan
Në samitin që po mbahet në Trieste u tregua kujdes i shtuar për gjendjen në Ballkanin Perëndimor
Nënkryetari për politika dhe partneritet i BERZH-it (Banka Evropiane për Rikonstruktim dhe Zhvillim), Pierre Heilbronn, tha sot se janë të nevojshme hapa shtesë në mbështetjen për zhvillimin e ndërmarrjeve të vogla dhe të mesme në Ballkanin Perëndimor.
Ai këto komente i bëri në samitin e liderëve të Ballkanit Perëndimor në Trieste të Italisë.
Heilbronn në panelin për instrumente financiare për ndërmarrje të vogla dhe të mesme, tha se ky sektor paraqet motor për inovacione në rajon dhe forcë lëvizëse për rritje ekonomike, ka bërë të ditur BERZH./21Media