Biblioteka e Universitetit të Kembrixhit fiton çmimin më të mirë të arkitekturës
Biblioteka e re në Kolegjin Magdalene, Kembrixh, është shpallur ndërtesa e re më e mirë në Mbretërinë e Bashkuar, duke fituar çmimin prestigjioz Riba Stirling për arkitekturën.
Ndërtesa “me detaje të hollësishme” nga Naall McLaughlin Architects është e hapur 24 orë në ditë, si pjesë e kolegjit 700-vjeçar të Universitetit të Kembrixhit.
Gjyqtarët e çmimit e quajtën atë një “fëmijë i ri i fortë dhe i sigurt, por i respektueshëm në bllokun e kolegjit”, raporton BBC
Pesë ndërtesat e tjera të përzgjedhura përfshinin një shkollë dhe qendër komunitare.
Simon Allford, president i Institutit Mbretëror të Arkitektëve Britanikë (Riba), e quajti bibliotekën, e cila përfshin një arkiv dhe galeri arti, një “ambient unik me një qëllim të qartë”.
Ai shtoi se ka qenë një “sfidë e rëndësishme” krijimi i një ndërtese që do të zgjaste të paktën 400 vjet, por se arkitektët e kishin menaxhuar atë me “me aftësinë, kujdesin dhe përgjegjësinë maksimale”.
“Mjediset e dizajnuara mirë përmirësojnë jashtëzakonisht suksesin dhe mirëqenien e studentëve. Ato duhet të jenë rregull për të gjithë studentët dhe mësuesit në të gjitha vendet e mësimit, jo përjashtim”, tha Allford./21Media