Borrell për situatën në veri: Kosova mos të ndërmarrë hapa të njëanshëm dhe destabilizues

Përfaqësuesi i lartë i Bashkimit Evropian, Josep Borrell  ka dhënë detaje rreth bisedës që ka zhvilluar me Sekretarin e Përgjithshëm të NATO-s, Jens Stoltenberg lidhur me situatën në veri të Kosovës.

Borrell ka shkruar në Twitter se ata pajtohen që Prishtina duhet të de-përshkallëzojë dhe mos të ndërmarrë hapa të njëanshëm dhe destabilizues.

”Fola me Jens Stoltenberg për situatën në veri të Kosovës. Ne pajtohemi që Prishtina duhet të de-përshkallëzojë dhe të mos ndërmarrë hapa të njëanshëm, destabilizues. Vlerësoni koordinimin e mirë të vazhdueshëm ndërmjet EULEX’it, NATO’s dhe KFOR’it në sigurimin e një mjedisi të sigurt dhe të sigurt”, ka shkruar Borrell, të dielën.

Në anën tjetër Stoltenberg ka thënë se Prishtina dhe Beogradi tani duhet të angazhohen në dialog dhe se Prishtina nuk duhet të ndërmarrë hapa të njëanshëm destabilizues.

“Prishtina dhe Beogradi duhet të angazhohen në dialogun e udhëhequr nga BE tani, si e vetmja rrugë drejt paqes dhe normalizimit. Prishtina duhet të de-përshkallëzojë dhe të mos ndërmarrë hapa të njëanshëm destabilizues.@NATO_KFOR do të vazhdojë të sigurojë një mjedis të sigurt”, shkroi ai në “Twitter”./21Media