Britania e Madhe do të sigurojë që Ukraina të mund të eksportojë në pjesën tjetër të botës

Kryeministri i Mbretërisë së Bashkuar, Boris Johnson do të “dyfishojë përpjekjet për të ofruar ushqim dhe ndihmë humanitare” për Ukrainën, informoi zyra e tij të dielën.
Gjatë një bisede telefonike me presidentin ukrainas, Volodymyr Zelensky, Johnson foli për bllokadën “e neveritshme” të qytetit kryesor port të Odesa-s, sipas deklaratës. Kryeministri do të punojë për të “siguruar që vendi të jetë në gjendje të eksportojë në pjesën tjetër të botës”, sipas një deklarate të 10 Downing Street.
Udhëheqësit ranë dakord për nevojën që komuniteti ndërkombëtar të mbetet i bashkuar në dënimin e barbarizmit të Putinit”, informoi Downing Street.
Johnson tha se “çdo vend ka për detyrë të ndihmojë Ukrainën në luftën e saj për liri, si tani ashtu edhe në planin afatgjatë”, shkruan CNN.
Ai përsëriti se populli britanik është “1000% prapa popullit të Ukrainës”./21Media