Canaj: Kurti po qeveris si në monarki dhe po e çon vendin drejt zgjedhjeve
Analisti politik Blerim Canaj, në emisionin “Click” në RTV21, ka deklaruar se problemi kryesor në skenën politike është mungesa e gatishmërisë së kryeministrit në detyrë Albin Kurti për kompromis dhe ndarje të pushtetit.
Sipas Canajt, kjo qasje po e shtyn vendin drejt krizës politike dhe zgjedhjeve të reja.
“Kurti nuk bën kompromise, nuk ndan pushtet. Këtu është problemi. E do pushtetin për vete dhe na çon prapë në zgjedhje”, tha ai.
Canaj kritikoi edhe mënyrën e funksionimit institucional, duke thënë se situata aktuale i konvenon Kurtit për shkak të mungesës së kontrollit parlamentar.
“Kurtit po i konvenon me qeverisë kështu si në monarki, pse ndan para dhe nuk i jep llogari askujt, sepse ne nuk kemi parlament”, deklaroi Canaj./RTV21/21Media
Dëshiron ta dëgjosh këtë lajm me zë?