Çfarë është kripto-arti?

2 min read

Bojrat e furçat janë mjetet që zakonisht lidhen me artin pamor, por jo për Osinachi.

Ai është bërë një nga kripto-artistët më kryesorë të Afrikës, duke përdorur mjete dixhitale për të krijuar dhe shitur veprën e tij.

I ulur në tryezën e tij të ngrënies në shtëpinë e tij në qytetin nigerian të Lagos-it, Osinachi hap një laptop dhe lëshon Microsoft Word.

“Ka shumë që mund të bësh në Word,” shpjegon ai ndërsa zgjedh format bazë në program, duke shtrembëruar dhe luajtur me dimensionet e tyre, duke i mbushur me ngjyra të gjalla dhe duke vizatuar me lulëzimin e stilolapsit të tij. Ajo që kam bërë gjatë viteve është të shtyj veten që të futem më thellë në të dhe të shoh se çfarë mund të arrij me këtë mjet për përpunimin e tekstit”, thotë artisti.

Megjithëse arti digjital u shfaq dekada më parë, “kripto-arti” është një fenomen që është materializuar kohët e fundit.

Termi u krijua pasi teknologjia blockchain e përdorur për të blerë dhe shitur ato që quhen tokena jo të këmbyeshëm (NFT), të cilat vërtetojnë pronësinë, është e njëjtë me atë të përdorur për kriptovalutat, transmeton rtv21.tv

“Vetëm një person mund të thotë: “Unë e zotëroj këtë pjesë”. Kjo është arsyeja pse arti digjital është i vlefshëm tani”, thotë Osinachi.

Për më tepër, artistët mund të sigurojnë se marrin një komision sa herë që vepra shitet – një përfitim i rëndësishëm që nuk gëzohet në botën tradicionale të artit.

Tetorin e kaluar, 30-vjeçari u bë kripto-artisti i parë nga Afrika që u shit vepra e tij nga shtëpia e ankandeve Christie’s në Evropë.

Seria e tij prej pesë NFT-ve, Different Shades of Water, e ekspozuar për herë të parë në edicionin në Londër të panairit të artit afrikan 1:54 u frymëzua nga puna e artistit britanik David Hockney./21Media