Chris Hipkins betohet si kryeministër i Zelandës së Re

Chris Hipkins u betua të mërkurën si kryeministri i 41-të i Zelandës së Re, pas dorëheqjes së papritur javën e kaluar të Jacinda Ardern.
Hipkins, 44 vjeç, ka premtuar një qasje të kthimit në baza, duke u fokusuar në ekonomi dhe atë që ai e përshkroi si “pandemia e inflacionit”.
Ai do të ketë më pak se nëntë muaj përpara se të konkurrojë në një zgjedhje të përgjithshme.
Guvernatorja e Përgjithshme e Zelandës së Re, Cindy Kiro, drejtoi ceremoninë e shkurtër të betimit përpara miqve dhe kolegëve të tij, pasi ajo pranoi më parë dorëheqjen e Ardern.
“Ky është privilegji dhe përgjegjësia më e madhe e jetës sime”, tha Hipkins në ceremoni. “Jam energjik dhe i emocionuar nga sfidat që më presin.”
Carmel Sepuloni u betua gjithashtu si zëvendëskryeministër, hera e parë që një person me trashëgimi në ishullin e Paqësorit merr këtë rol. Ajo e uroi Hipkinsin dhe e falënderoi për besimin që i kishte dhënë./21Media