City e Arsenali barazuan, Liverpool përfiton më së shumti
Në derbin e xhiros së 30-të të kampionatit anglez të futbollit, Manchester City dhe Arsenali luajtën pa gola, gjë që gëzoi më së shumti Liverpoolin, i cili mbajti kryesimin në renditje. City kishte shumë më shumë posedim dhe më shumë goditje, por asnjëra skuadër nuk donte të rrezikonte shumë.
Në pjesën e parë, të dyja skuadrat ishin të përmbajtura dhe rastin e parë në vazhdim e pati Mateo Kovaçiq në minutën e 47-të, i cili gjuajti shkëlqyeshëm nga 18 metra, por humbi portën e Arsenalit. Pesë minuta më vonë, edhe Arsenali pati një shans të madh. Bukayo Saka harkoi nga e djathta, por Gabriel Jesus ishte shumë vonë për të kaluar.
Në vazhdim të ndeshjes pati edhe disa gjysmë raste të tjera, por pa gol. Liverpool ka marrë kryesimin e tabelës me fitoren 2:1 ndaj Brighton. Danny Welbeck kaloi mysafirët në avantazh në minutën e dytë, por “Reds” e kthyen rezultatin deri në fund të ndeshjes. Luis Diaz barazoi në minutën e 27-të dhe Mohamed Salah i solli fitoren Liverpool-it në minutën e 65-të. Në minutën e 71-të, Diaz tundi edhe një herë rrjetën, por goli u anulua për shkak të pozitës jashtë loje. Liverpool tani kryeson me 67 pikë, dy më shumë se Arsenali dhe tri pikë më shumë se Manchester City.
Lexim me zë
Dëshiron ta dëgjosh këtë lajm me zë?