Dënim me burgim për deputetët që ushtruan dhunë fizike ndaj koleges shtatzënë

Dy deputetë të opozitës në Senegal janë dënuar me gjashtë muaj burg pasi ushtruan dhunë fizike ndaj koleges shtatzënë, Amy Ndiaye gjatë një debati për buxhetin.
Ligjvënësit meshkuj sulmuan Amy Ndiaye pasi ajo kritikoi një figurë fetare të opozitës.
Gjykatësi urdhëroi gjithashtu Mamadou Niang dhe Massata Samb që t’i paguanin Ndiaye pesë milionë franga CFA (8,100 dollarë; 6,750 £) si kompensim.
Incidenti u dënua gjerësisht dhe ndezi debat për të drejtat e grave.
Në një video të shpërndarë në internet, Samb shihet duke ecur drejt Ndiaye dhe duke e goditur me shuplakë gjatë një debati për buxhetin më 1 dhjetor.
Më pas ajo hakmerret duke hedhur një karrige, por në të njëjtën kohë goditet në bark nga një koleg tjetër mashkull. Më pas shpërthen një përleshje ndërsa deputetët e tjerë përpiqen të qetësojnë situatën.
Ndiaye, një anëtare e koalicionit qeverisës Benno Bokk Yakaar, i ra të fikët në parlament pas sulmit dhe kishte frikë se ajo do të humbiste foshnjën.
Pavarësisht largimit nga spitali, ajo “mbetet në një situatë jashtëzakonisht të vështirë”, tha avokati i saj Baboucar Cissé./21Media