Deri në 100 të zhdukur nga rrëshqitja e dheut në një minierë

Rreth 100 persona dyshohet se janë zhdukur pas rrëshqitjes së dheut në një minierë në Mianmar.
Ekipet e shpëtimit janë duke kërkuar për njerëz në një liqen aty pranë, ku shumica e viktimave besohet të jenë minatorë të paligjshëm. Një person konfirmohet i vdekur.
Rrëshqitja e dheut ndodhi në zonën Hpakant të shtetit verior Kachin në orën 04:00 të së mërkurës.
Mianmari, i njohur gjithashtu si Burma, është burimi më i madh në botë i nefritit, por minierat e tij kanë pasur aksidente të shumta, transmeton rtv21.tv.
Rrëshqitja e dheut besohet të jetë shkaktuar nga një vërshim i rrënojave të hedhura nga kamionët në minierat e hapura.
Gërmadhat krijojnë shpate të mëdha që mund të jenë të rrezikshme në një zonë të zhveshur nga pemët, duke i detyruar ata që kërkojnë fragmente të gurit gjysmë të çmuar të punojnë në kushte të rrezikshme.
Ekipet e shpëtimit të përbërë nga rreth 200 njerëz nga Hpakant dhe qyteti i afërt i Lone Khin u bashkuan me përpjekjet e kërkimit dhe rikuperimit në vend. Varkat janë përdorur për të kërkuar të zhdukurit në një liqen aty pranë.
Disa ditë më parë, të paktën 10 minatorë të pakualifikuar u zhdukën në një tjetër rrëshqitje dheu në një bllok nefriti në Hpakant.
Në vitin 2020, më shumë se 160 njerëz – shumica e të cilëve ishin emigrantë – vdiqën në një nga fatkeqësitë më të këqija në Hpakant pasi mbetjet e minierave u shembën në një liqen.
Një ligj i ri për minierat e gurëve të çmuar u miratua në vitin 2018, por kritikët thonë se qeveria ka shumë pak inspektorë me vetëm autoritet të kufizuar për të ndaluar praktikat e paligjshme./21Media