Disa mënyra për të përmirësuar formën e trupit edhe kur jeni duke fjetur

 
Ndriçimi i duhur në dhomën e gjumit, llojet e duhura të ushtrimeve para gjumit, madje edhe rrobat me të cilat flini – të gjitha këto gjëra mund të shërbejnë si duar ndihmëse për ata që duan të qëndrojnë në formë, edhe kur janë duke gërhitur rehat nën batanije të ngrohtë.
Çuditërisht, ka edhe më shumë mënyra për të cilat ne ose nuk i dimë ose thjesht i injorojmë, të cilat na ndihmojnë t’i luftojmë ato kile të tepërta, edhe kur jemi duke pushuar.
Pesë mënyra të vërtetuara shkencërisht për të qëndruar në formë edhe kur pushoni në jastëkun tuaj të butë gjatë natës.
1. Të flesh me më pak rroba

Kur flini lakuriq, merrni disa përfitime shëndetësore, dhe ndihma për të humbur peshë është një prej tyre. Shkencëtarët sugjerojnë se mbajtja e temperaturës së trupit tuaj më të ftohtë gjatë gjumit e bën metabolizmin e trupit më të shpejtë sepse prodhon më shumë yndyrë kafe për t’ju mbajtur ngrohtë.
Yndyra kafe prodhon nxehtësi ndërsa djeg kalori dhe kjo përshpejton metabolizmin tuaj gjatë ditës për t’ju ndihmuar të humbni peshë. Gjumi pa rroba gjithashtu përmirëson qarkullimin e gjakut dhe është i mirë për zemrën dhe muskujt.

2. Të flesh mjaftueshëm

Dr. Richard K. Bogan, një studiues i gjumit, tha se një orar gjumi më vete mund të na ndihmojë në humbjen e peshës. “Gjumi është i nevojshëm për funksionimin normal të hormoneve të trupit dhe sistemit imunitar. Një tru i privuar nga gjumi ose i përgjumur është një tru i uritur”, tha ai. “Gjumi i dobët çon në shtim në peshë”.
Ai sugjeroi që një person i rritur ka nevojë për rreth 7 orë e gjysmë deri në 9 orë gjumë.

3. Bërja e ushtrimeve të duhura

Nëse keni më shumë masë muskulore, kjo ju ndihmon të digjni më shumë kalori, edhe kur jeni duke fjetur. Bërja e disa ushtrimeve çdo ditë, veçanërisht trajnimi i forcës, mund t’ju ndihmojë të humbni disa kilogramë. Nëse e keni të vështirë të qetësoheni gjatë natës, provoni të bëni stërvitjen tuaj disa orë para gjumit.

4. Fjetja në një dhomë gjumi më të freskët dhe më të errët

Sipas një studimi, njerëzit që e kishin temperaturën e dhomës të vendosur në 19 gradë Celsius për një muaj, e rritën numrin e kalorive që yndyra e tyre kafe u djeg me 42% dhe e rritën metabolizmin me 10%.

Për të humbur disa kilogramë gjatë gjumit, përpiquni të hiqni dorë nga drita e natës. Hulumtimet sugjerojnë se drita para gjumit ul nivelet e melatoninës tuaj dhe nëse flini me një dritë ndezur, ajo ka një ndikim të madh në rregullimin cirkadian të metabolizmit dhe bëhet arsyeja e shtimit të peshës, sipas Fondacionit Sleep. Pra, është më mirë të fikni televizorin, telefonin dhe çdo dritë tjetër dhe të mendoni për blerjen e perdeve të ndërprerjes për të mbajtur dritën nga jashtë.

5. Ngrënia në orar

Sipas nutricionistëve, orari i vakteve të ushqimit dhe gjumit duhet të mbahen në të njëjtin orar çdo ditë. Charlotte Harrison, një nutricioniste me bazë në Londër, thotë: “Trupi ynë ecën në një ritëm rrethor, që është ora e tij e brendshme. Orari i vakteve ka shumë ndikim në ritmin tonë cirkadian, kështu që planifikimi i marrjes së ushqimit është shumë i rëndësishëm”./21Media