Drejtori i Napolit këmbëngul se s’ka transfer të Kvaratskhelia në Newcastle

Drejtori sportiv i Napolit, Cristiano Giuntoli, ka hedhur poshtë interesimin e raportuar të Newcastle për anësorin Khvicha Kvaratskhelia, duke këmbëngulur se ai nuk do të shitet.
Napoli ka këmbëngulur se ata nuk kanë aspak interes për të shitur anësorin Kvaratskhelia mes spekulimeve se 21-vjeçari është një objektiv prej 50 milionë funte për Newcastle United.
Giuntoli ka thënë se klubi i tij nuk do të shesë edhe nëse marrin një ofertë me para të mëdha për gjermanin.
“Newcastle interesohet për Kvaratskhelia? Nuk ka absolutisht asnjë shans që ta lëmë të largohet, pavarësisht se sa është oferta”, tha ai.
Kvaratskhelia ka shënuar tetë gola dhe ka prodhuar tetë asistime në vetëm 17 paraqitje për Napolin në të gjitha garat këtë sezon, pas një lëvizjeje verore nga skuadra gjeorgjiane Dinamo Batumi.
I riu madje ka marrë nofkën “Kvaradona” sipas legjendës së klubit Diego Maradona dhe ka ndihmuar Napolin të jetë në krye të tabelës në Itali./21Media