Elon Musk pezullon marrëveshjen për blerjen e Twitterit

Elon Musk ka thënë se marrëveshja e tij prej 44 miliardë dollarësh për të blerë Twitter është pezulluar përkohësisht pasi ai po kërkon numrin e llogarive të rreme ose spam në platformën e mediave sociale.
Ai tha se po priste informacione “që mbështesin llogaritjen se llogaritë e padëshiruara/të rreme përfaqësojnë me të vërtetë më pak se 5% të përdoruesve”.
Pas njoftimit, aksionet e Twitter ranë 25%, përcjell portali rtv21.tv.
Musk ka qenë i zëshëm në pastrimin e llogarive të padëshiruara.
Twitter raportoi gati dy javë më parë se llogaritë e rreme përbënin më pak se 5% të përdoruesve aktivë të përditshëm gjatë tre muajve të parë të këtij viti. Musk tani po shqyrton këtë shifër.
Sipas kushteve të marrëveshjes, nëse Twitter ose Musk largohen, ata duhet t’i paguajnë palës tjetër një tarifë përfundimi prej 1 miliard dollarësh./21Media