Fitore bindëse e Kastriotit ndaj Llapit

Kastrioti i Ferizajt e ka përfunduar me fitore bindëse pjesën e rregullt të kampionatit në Superligën e Kosovës në hendboll.
Të martën mbrëma në Ferizaj, në kuadër të javës së 18-të, Kastrioti e mposhti Llapin me rezultat 44:29.
Mohamed Ali Arab shënoi dhjetë gola për Kastriotin, ndërsa tetë i kishte Hamdi Salihu. Tetë gola i shënoi edhe Festim Mustafa.
Altin Mani u dallua me efikasitet te Llapi, duke shënuar nëntë gola. Gjashtë i kishte Rifat Visoka, ndërsa pesë gola i shënoi Blerton Hasani.
Kastrioti vazhdon garimin në Superligën A, ndërsa Llapi në Superligën B.
Ndeshjet tjera të javës së 18-të luhen të mërkurën e të enjten./21Media