Foshnja që lindi vetëm pak minuta para tërmetit

Foshnja e Hatixhes nuk ka ende një emër, por shtëpia e saj e parë është një tendë buzë rrugës.

Ajo u lind vetëm disa minuta para se tërmeti vdekjeprurës i Marokut të godiste mbrëmjen e së premtes.

Megjithëse nëna dhe vajza ishin të padëmtuara, spitali në Marrakesh ku ata ndodheshin u evakuua. Pas një kontrolli të shpejtë, atyre iu kërkua të largoheshin vetëm tre orë pas lindjes.

“Ata na thanë se duhej të shkonim për shkak të frikës nga pasgoditjet”, tha ajo.

Me të porsalindurin e tyre, Hatixhja dhe burri i saj u përpoqën të merrnin një taksi herët të shtunën për në shtëpinë e tyre në Taddart në malet e Atlasit, rreth 65 km nga Marrakesh. Por, gjatë rrugës së tyre gjetën rrugët të bllokuara nga rrëshqitjet e dheut dhe arritën vetëm deri në fshatin Asni. Familja që nga ajo kohë jeton në një tendë buzë rrugës kryesore.

“Unë nuk kam marrë asnjë ndihmë apo ndihmë nga autoritetet”, na tha ajo, duke mbajtur foshnjën e saj ndërsa ishte strehuar nga dielli nën një copë pëlhure gome të dobët./21Media