Gjashtë të vrarë nga shpërthimet në Kherson, raportojnë mediat shtetërore ruse
Të paktën gjashtë persona u vranë pas një serie shpërthimesh të hënën në Nova Kakhovka në rajonin Kherson të Ukrainës të pushtuar nga Rusia, njoftoi të martën agjencia shtetërore ruse e lajmeve TASS.
TASS, e cila citoi kreun e administratës ushtarako-civile të rrethit Kakhovka, Vladimir Leontiev, tha se sulmi u krye nga Forcat e Armatosura të Ukrainës.
Sipas Leontiev, gjashtë u vranë dhe shtoi se kishte “dhjetëra të plagosur”, shkruan CNN
Ai tha gjithashtu se shumë njerëz ishin ende të bllokuar nën rrënoja ose në shtëpitë e tyre, ndërsa të lënduarit u dërguan në spital.
Shpërthime të mëdha tronditën Nova Kakhovka të hënën për herë të dytë në katër ditë./21Media