Granatimet ruse vazhdojnë në verilindje dhe jug të Ukrainës, thotë ushtria ukrainase

Rusia “nuk ndalon së kryeri operacione sulmuese” në zonat lindore të Ukrainës, informoi sot Shtabi i Përgjithshëm i Forcave të Armatosura të Ukrainës.

Në rajonin e Kharkiv në verilindje, Rusia qëlloi në zonat në veri dhe verilindje të qytetit, tha ushtria e Ukrainës.

Nga zyrtarët rajonalë u informua se “nata ishte relativisht e qetë” me “granata sporadike” dhe se se tre persona u plagosën në fshatrat në verilindje të qytetit Kharkiv, shkruan CNN.

Në rajonin Sumy në verilindje, Rusia nisi sulme ajrore dhe granatime artilerie, tha ushtria. Përditësimet e veçanta rajonale mbi Sumyn thanë se nuk kishte viktima nga sulmet.

Në Ukrainën jugore, në zonën e Kryvyi Rih, Rusia vazhdon bombardimet.

Rreth 85 kilometra (53 milje) në jugperëndim të Kryvyi Rih, zyrtarët rajonalë thanë se qendra e qytetit Novyi Buh u granatua gjatë natës, me ç’rast u plagosën dy persona, u dëmtuarnjë dyqan, një farmaci dhe disa ndërtesa banimi. Më në jug, granatimet vazhduan kundër Bereznehuvate, ku u dëmtuan një shkollë dhe ndërtesa banimi.

Në rajonin jugor të Khersonit, raportohet se luftimet vazhdojnë dhe “situata është e tensionuar” në fshatrat aty pranë. Nuk ka ujë apo energji elektrike në fshatrat që kufizohen me rajonet e Mykolaiv dhe Dnipropetrovsk, u bë e ditur në deklaratë.

Përgjatë bregut të Detit të Zi në perëndim në rajonin e Odesa-s, një përditësim rajonal tha se kishte dy sulme me raketa, një gjatë natës dhe një të hënën në mëngjes. Një raketë u rrëzua nga forcat e mbrojtjes ajrore të Ukrainës. Gjithashtu, u godit edhe një urë që nuk funksiononte, pa viktima, por dëme u shkaktuan në disa shtëpi, u bë e ditur në deklaratë./21Media