Grenell e quan anti-amerikan: Ishte kundër politikës së SHBA-së
Ish i dërguari i posaçëm i presidentit Trump për dialogun Prishtinë-Beograd, Richard Grenell e ka quajtur anti-amerikan kandidatin për kryeministër të Kosovës, Albin Kurtin.
Grenell përmes një postimi në rrjetet sociale I ka bërë thirrje presidentit amerikan Joe Biden të ndalojë çdo veprim të Kurtit që të ndryshojë vendin ku pritet të hapet ambasada e Kosovës në Izrael.
“Lideri i ri i Kosovës majtisti anti-amerikan, Albin Kurti, ka qenë kundër politikës së SHBA-së që janë sugjeruar nga Bill Clinton, Geroge Bush, Baracka Obama dhe Donald Trump. Ai gjithnjë është anti-amerikan”, tha Grenell.
Ai ka ftuar Jake Sullivan, këshilltar për Siguri Kombëtare i presidentit Joe Biden, që të ndërhyjë duke mos lejuar ndryshimin e vendit për hapjen e Ambasadës së Kosovës në Izrael.
Marrëveshja për njohje reciproke Kosovë-Izrael është arritur si rezultat i ndërmjetësimit të presidentit amerikan, Donald Trump./21Media
The Left wing anti-American new leader of Kosovo Albin Kurti has been against US policies suggested by Bill Clinton, George Bush, Barack Obama and Donald Trump. He’s always the anti-American.
The Biden team should stop this….@jakejsullivan https://t.co/cNHqFFIDMd
— Richard Grenell (@RichardGrenell) March 2, 2021