Guvernatori i BQK-së i dorëzoi raportin presidentit

Thaçi dhe guvernatori flasin për punën e BQK-së

Presidenti i Kosovës, Hashim Thaçi sot ka pritur Guvernatorin e Bankës Qendrore të Kosovës, Fehmi Mehmetin, i cili i ka dorëzuar presidentit raportin vjetor të punës së BQK-së për vitin 2017.

Thaçi siç njoftohet në komunikatë e ka përgëzuar guvernatorin Mehmeti dhe stafin e BQK-së për punën që janë duke e bërë në ruajtjen e stabilitetit financiar dhe në mbështetjen e politikave të përgjithshme ekonomike të Qeverisë së Kosovës.

Nga ana tjetër, Guvernatori i Bankës Qendrore të Kosovës, Fehmi Mehmeti e ka falënderuar presidentin për mbështetjen që i ka dhënë BQK-së, duke e informuar atë për punën e deritashme dhe prioritet për vitet e ardhshme.

Ndërsa, Thaçi ka thënë se Banka Qendrore duhet të vazhdojë punën e saj, bazuar në parimet e ekonomisë së tregut të hapur dhe konkurrencës së lirë./21Media