Haradinaj: Rritja ekonomike në Kosovë pritet të arrijë në 7 %
Haradinaj ka thënë se Kosova e ka rritjen më të madhe ekonomike në Ballkanin Perëndimor
Kryeministri i Kosovës, Ramush Haradinaj, ka thënë se Kosova e ka rritjen më të madhe ekonomike në Ballkanin Perëndimor. Përmes një postimi në Twitter, Haradinaj ka thënë se me ndërtimin e termocentralit “Kosova e Re”, kjo rritje do të shkojë deri në 7%.
“Kjo marrëveshje parasheh një investim prej 1.3 miliardë euro, që do të garantojë pavarësi energjetike.”, ka shkruar Haradinaj.
#Kosovo has the largest economic growth in the #WesternBalkans by 4.5%. With the construction of #KosovaeRePowerPlant by @ContourOfficial this growth is expected to reach 7%. This contract provides an investment of 1.3 billion €, which will ensure Kosovo’s energy independence.
— Ramush Haradinaj (@haradinajramush) January 24, 2019
Kryeministri i vendit, Ramush Haradinaj, para pak ditësh ka bërë të ditur se me termocentralin “Kosova e Re”, ka qenë investimi më i madh që nga paslufta në vlerë prej 1.3 miliard euro.
Ndërkohë që ministri i Financave, Bedri Hamza, kishte deklaruar se rritja ekonomike për këtë vit do të jetë 4.3 përqind, që është rritja më e madhe në 5-6 vitet e fundit dhe kryesisht sipas tij, ka ardhur si rezultat i investimeve./21Media