Hasani: Shqipëria dënon ashpër sulmin e Iranit në Izrael

Ministri për Evropën dhe Punë të Jashtme i Shqipërisë, Igli Hasani tha se Shqipëria dënon ashpër sulmin iranian ndaj Izraelit.

Ai përmes një postimi në X shprehet se ky përshkallëzim është kërcënim për sigurinë e Izraelit dhe gjithë rajonit.

Po ashtu, Hasani u bën thirrje shqiptarëve që jetojnë në Izrael të ndjekin udhëzimet e autoriteteve lokale.

“Shqipëria dënon ashpër sulmin e Iranit ndaj Izraelit. Ky përshkallëzim është një kërcënim i rëndë për sigurinë e Izraelit dhe të gjithë rajonit. Ajo rrezikon të sjellë paqëndrueshmëri dhe shkatërrim më të madh në të gjithë Lindjen e Mesme”, shkroi Hasani në X.

“Shqiptarët në rajon këshillohen të ndjekin udhëzimet e autoriteteve lokale për përditësimet e sigurisë publike dhe të kontaktojnë ambasadat tona për ndihmë”.