I vihet zjarri pyllit në Zatriq, një zjarrfikës i lënduar
Pylli i fshatit Zatriq në Rahovec ka marrë flakë të premten.
Në Polici është raportuar se dikush qëllimisht e ka nisur zjarrin.
Një zjarrfikës është lënduar gjatë intervenimit.
“Raportohet se nga persona të pa njohur i është vënë zjarri pyllit të fshatit. Zjarrfikësit kanë shuar zjarrin. Gjatë tentimit për shuarjen e zjarrit, një zjarrfikës ka pësuar lëndime dhe është duke u trajtuar në Spitalin e Gjakovës. Nuk dihet vlera e dëmit të shkaktuar. Rasti është duke u hetuar”, thuhet në raportin e Policisë./21Media