Ibra kthehet si lider dhe ia siguron Milanit tri pikë ndaj Lazios
Milani ka arkëtuar tri pikë shumë të rëndësishme në këtë fillim të kampionatit italian duke e mposhtur Lazion.
“Rossonerët” triumfuan me rezultat 2-0 ku goli i parë erdhi pas 45 minutave lojë nga këmbët e Rafael Leaos.
Menjëherë pas golit të Leaos, Kessie e kishte mundësinë që të shënonte për 2-0 por dështoi ta bënte këtë nga pika e bardhë.
Në pjesën e dytë u inkuadrua Zlatan Ibrahimovic i cili u rikthye nga lëndimi pas një kohe ta gjatë por e gjeti menjëherë rrugën e golit duke shënuar për 2-0 në minutën e 67’ të ndeshjes.
Milani ka nëntë pikë pas tri xhirove dhe e kryeson tabelën së bashku me Napoli që kanë pikë të barabarta.
Lexim me zë
Dëshiron ta dëgjosh këtë lajm me zë?