IKShPK bën thirrje për bartje të maskave: COVID-19 në Kosovë shënon trend të rritjes

Instituti Kombëtar i Shëndetësisë Publike të Kosovës (IKShPK), ka bërë thirrje për bartje të maskave në ambiente të mbyllura dhe për vaksinim kundër koronavirusit.

“Ju lutemi bartni maskat në ambiente të mbyllura dhe vaksinohuni! Ju lutemi për kujdes të shtuar ndaj COVID-19! Në vende të ndryshme të botës, po regjistrohen raste të shumta të COVID-19, sepse pandemia akoma nuk ka mbaruar”, thuhet në apelin e institutit.

Tutje në shkrimin e IKShPK-së në Facebook thuhet se COVID-19 në Kosovë shënon trend të rritjes së rasteve të reja, por “fatmirësisht nuk kemi te regjistruar asnjë rast fatal”.

“IKSHPK është duke vazhduar pandërprerë me testimin dhe gjurmimin e të gjitha rasteve, kontakteve të rasteve në komunitet dhe diagnostikimin laboratorik andaj të gjithë personat me kokëdhembje, kollitje, dhembje fyti, vështirësi në frymëmarrje, rrjedhje hundësh, temperaturë, plogështi, humbje e shijes, rekomandohen të testohen. Me qëllim të përforcimit të imunitetit dhe parandalimit të rasteve të reja dhe formave të rënda të sëmundjes, qytetarët këshillohen që të vaksinohen”, thuhet në apelin e IKShPK-së.

Ministria e Shëndetësisë dhe Instituti Kombëtar i Shëndetësisë Publike të Kosovësrekomandojnë qytetarët që rritja e rasteve me COVID-19 kërkon edhe masa parandaluese. “Andaj duhet të të jenë të kujdesshëm në zbatimin e masave preventive kundër sëmundjeve ngjitëse duke zbatuar vendimet e Qeverisë, duke bartur maska në të gjitha ambientet e mbyllura, distancë, higjienë, dezinfektues për duar në të gjitha institucionet publike e private dhe të vaksinohen kundër COVID-19”.

Artikuj të ngjashëm

Shikoni Gjithashtu
Close
Back to top button
close button