Iniciohet procedurë disiplinore ndaj prokurores të rastit së dhunimit të 15 vjeçares

Kryeprokurori i Shtetit, Aleksandër Lumezi, ka kërkuar nga kryeprokurori i Prokurorisë Themelore në Pejë, Agim Kurmehaj, si autoritet kompetent, që të rishqyrtojë lëndën penale të prokurores Lirije Morina dhe nga të gjeturat të ndërmarrë të gjitha veprimet e nevojshme sipas ligjit për përgjegjësinë disiplinore të gjyqtarëve dhe prokurorëve.

Prokuroria Themelore në Pejë ka bërë të ditur se konform Ligjit për Përgjegjësinë Disiplinore të Gjyqtarëve dhe Prokurorëve, sipas detyrës zyrtare, ka iniciuar procedurën disiplinore ndaj prokurores, e cila ka përfaqësuar këtë lëndë.

Prokuroria ka njoftuar se lidhur me çështjen penale PP.nr.68/12, për veprën penale “Dhunimi”, nga neni 193, paragrafi 3 i KPK-së, kryeprokurori Kurmehaj, pas analizimit të gjitha shkresave të lëndës, konform Ligjit për Përgjegjësinë Disiplinore të Gjyqtarëve dhe Prokurorëve, sipas detyrës zyrtare, ka iniciuar procedurën disiplinore ndaj prokurores, e cila ka përfaqësuar këtë lëndë.

Dhunuesi i një vajze 15 vjeçare ishte dënuar me vetëm 8 muaj e 8 ditë burgim, ndërsa me këtë dënim ishte pajtuar edhe prokurorja e rastit, Lirije Morina./21Media

 

Artikuj të ngjashëm

Shikoni Gjithashtu
Close
Back to top button
close button