Interesante ajo që i ndodhi Thuramit me shallin e Interit

Marcus Thuram-it iu hoq një shall i Interit që iu vendos në qafë nga një tifozë gjatë testeve mjekësore me Nerazzurrët të martën, pasi klubi nuk dëshiron që lojtarët e rinj të veshin ngjyrat e tyre përpara se të kryejnë kontrollet.

Thuram nënshkroi të martën kontratë deri në qershor të vitit 2028 , pasi iu nënshtrua ekzaminimeve mjekësore me gjigantët e Serisë A.

Reprezentuesi francez përfundoi pjesën e dytë të kontrolleve në qendrën mjekësore CONI pasdite dhe kur ishte gati të hynte brenda, një anëtar ultras i tifozëve të Interit vendosi një shall të Interit në qafën e lojtarit.

Mirëpo, ai u hoq shpejt nga një person, i cili mësohet se ishte pjesë e stafit të Interit.

Siç shpjegohet nga “FCInterNeës”, ishte një kërkesë direkte e klubit, e cila ishte e vlefshme jo vetëm për Thuramin por çdo nënshkrim të ri.

Interi, në fakt, nuk dëshiron që lojtarët e ardhshëm të veshin ngjyrat zi kaltër përpara se të kryejnë ekzaminimet mjekësore.

Për më tepër, ata duan të jenë të parët që publikojnë imazhet e lojtarëve me ngjyrat e klubit, kështu që Thuram mbajti shallin e klubit vetëm për disa sekonda para se të vazhdonte për vizitat mjekësore.