Italia fiton Eurovisionin, Gjon Muharremaj renditet i treti
Ka përfunduar nata finale e Festivalit Evropian të Këngës “Eurovision 2021” që u mbajt në Rotterdam të Holandës.
Italia ka fituar Eurovisionin 2021. Ky shtet u përfaqësua nga Maneskin me këngën “Zitti E Buoni”.
Në vendin e dytë është renditur Franca që u përfaqësua nga këngëtarja Barbara Pravi me këngë “Voilà”.
Vendi i tretë i takon Zvicrës që u përfaqësua nga këngëtari shqiptar Gjon Muharremaj i njohur si Gjon’s Tears.
Ndërsa, Shqipëria e përfaqësuar nga këngëtarja Anxhela Peristeri me këngën “Karma” u rëndit e 21-ta.
Pas votave të jurive profesioniste nga të gjitha vendet pjesëmarrëse, fitues i të cilave doli Gjon’s Tears, votat e publikut rrëzuan të gjithë rezultatin në favor të Italisë.
Në finalen e madhe të Eurovision-it konkurruan 26 këngë./21Media