Johnson në Ukrainë për të shënuar Ditën e Pavarësisë

Kryeministri në largim i Mbretërisë së Bashkuar, Boris Johnson ndodhet në Kiev për të shënuar Ditën e Pavarësisë së Ukrainës.
Sot bëhen 31 vjet që kur Ukraina votoi për pavarësinë nga Bashkimi Sovjetik. Është gjithashtu përvjetori i gjashtë muajve të pushtimit të Rusisë.
Johnson ka qenë një nga mbështetësit më të zëshëm të Ukrainës, pasi ajo përpiqet të mbrohet kundër sulmit të paprovokuar të Rusisë, dhe udhëtimi të mërkurën ishte vizita e tij e tretë në kryeqytetin ukrainas që nga fillimi i luftës në fund të shkurtit.
Ai u bë një nga udhëheqësit e parë të huaj që bëri një udhëtim të pasigurt në kryeqytetin ukrainas në fund të prillit, dhe më pas u kthye në një vizitë tjetër të papritur në qershor, transmeton rtv21.tv.
Presidenti ukrainas Volodymyr Zelensky tha në kanalin e tij Telegram: “Jam i lumtur që takoj Boris Johnson, një mik i madh i Ukrainës, në Ditën e Pavarësisë”.
“Boris, faleminderit për mbështetjen e pakompromis për vendin tonë që nga ditët e para të agresionit të plotë rus, për mbrojtjen e palëkundur të interesave të Ukrainës në arenën ndërkombëtare! Ukraina është me fat që ka një mik të tillë!”./21Media