Kamberi ngre alarmin: Në 20 vjet numri i nxënësve në Luginë ka shënuar rënie 58 për qind
Deputeti shqiptar në Kuvendin e Serbisë, Shaip Kamberi ka thënë se në 20 vjetët e fundit, numri i nxënësve të shkollave fillore ka rënë 25% në Serbi, por te shqiptarët në Luginën e Preshevës, është një rënie marramendëse prej 58 për qind.
Kamberi ka shkruar në X se kjo është alarmuese dhe sipas tij, është rezultat i pakicës së neglizhuar qëllimisht nga qeveria me diskriminim aktiv.
“Në 20 vitet e fundit, numri i nxënësve të shkollave fillore ka rënë 25% në Serbi, por te shqiptarët në Luginën e Preshevës, është një rënie marramendëse prej 58% – më shumë se dyfishi i mesatares kombëtare. Alarmuese! Ky është rezultat i një pakice të shpërfillur qëllimisht nga qeveria me diskriminim aktiv”, ka shkruar Kamberi në X.
In the last 20 years,primary school student numbers dropped 25% in 🇷🇸,but among Albanians in Presheva Valley, it’s a staggering 58% decline-more than twice the national average.Alarming! This is the result of deliberately neglected minority from the gov,with active discrimination
— Shaip Kamberi (@shkamberi) February 13, 2024