Kamioni përplas këmbësorët, dy të vdekur

Dy persona kanë humbur jetën dhe nëntë të tjerë janë lënduar pasi këmbësorët janë goditur nga një kamion në qytetin Amqui, në veri të Quebec të Kanadasë.

Drejtuesi i mjetit, një vendas 38-vjeçar është arrestuar pasi është dorëzuar në polici.

Hetuesit janë ende duke u përpjekur për të përcaktuar nëse incidenti ishte një sulm i qëllimshëm.

Vjen vetëm një muaj pasi dy fëmijë u vranë kur një shofer autobusi hyri me makinë në një çerdhe në Montreal.

Policia u thirr për incidentin e fundit rreth orës 15:00 (19:00 GMT) pas raportimeve për një përplasje mes një furgoni dhe këmbësorëve.

Dy personat që humbën jetën mësohet se janë një burrë rreth të 70-ve dhe një tjetër 60-vjeçar. Mediat kanadeze raportuan se mes të lënduarve janë edhe fëmijë që po trajtohen në spitalin lokal.

Kryeministri i Quebec Francois Legault tha se incidenti ishte “tronditës”, ndërsa kryeministri kanadez Justin Trudeau tha në Tëitter se zemra e tij ishte me njerëzit e Amqui.