Kearns e shqetësuar për sigurinë dhe shëndetin e politikanit serb i cili u rrah se nderoi Adem Jasharin
Deputetja britanike Alicia Kearns, ka reaguar pasi politikani serb Nikolla Sanduloviq u arrestua dhe u rrah nga BIA serbe, për arsye se nderoi komandaniin legjendar Adem Jashari.
Kearns është shprehur e shqetësuar për sigurinë dhe shëndetin e Sanduloviq.
“Tepër e shqetësuar për sigurinë dhe shëndetin e Nikolla Sanduloviq pas raportimeve se ai ishte brutalizuar nga inteligjenca serbe”, ka shkruar Kearns në plaformën X.
Po ashtu ajo ka përmendur edhe parregullësitë në zgjedhjet që u mbajtën në Serbi.
“Shumë parregullsi të vërejtura në zgjedhjet serbe rezultuan në vetëm shprehjet më të buta të shqetësimit kalimtar nga MB, SHBA dhe BE. Zbutja ka pasoja”, ka shkruar Kearns./21Media
Gravely concerned for safety & health of @Sandulovic_N after reports he was brutalised by Serbian Intelligence.
The many irregularities observed in the Serbian election resulted in only the mildest expressions of passing concern from UK, US & EU.
Appeasement has consequences.
— Alicia Kearns MP (@aliciakearns) January 4, 2024