Kearns-vendeve të BE-së: Pse po kërkoni rrënjosjen e territorialitetit etnik në Kosovë

27 Shkurt, 2023Përditesimi i fundit: 27 Shkurt, 2023

Kryetarja e Komisionit për Politikë të Jashtme në Parlamentin britanik, Alicia Kearns, ka drejtuar një pyetje për  përfaqësuesit e Italisë, Gjermanisë dhe të Francës, pse po kërkojnë ta rrënjosin një territorialitet etnik në Kosovë.
Kearns këtë pyetje e ka bërë përmes një postimi në Twitter, duke i replikuar Jakub Bielamowicz, njohës i zhvillimeve politike për Ballkanin Perëndimor, që tha se letra e përbashkët e zyrtarëve të Italisë, Gjermanisë e Francës, që i kërkon Kosovës ta themelojë Asociacionin “plotësisht dhe pakushte”, është presion për ndarjen de facto.

“Një letër nga Gjermania, Franca dhe Italia, që i kërkon Prishtinës që t’i përkushtohet Asociacionit të komunave me shumicë serbe ‘plotësisht dhe pa kushte’, është një prelud i presionit brutal ndaj Kosovës për të rënë dakord për ndarjen e saj de facto, përfshirë. një Republika Srpska 2.0, në këmbim të njohjes ‘eventuale’”, shkroi Bielamowicz të dielën.

Javë më parë kryetarja britanike e Komisionit për Politikë të Jashtme ka deklaruar se Britania e Madhe nuk do të mbështesë formimin e “Republikës Srpska” në Kosovë./21Media 

27 Shkurt, 2023Përditesimi i fundit: 27 Shkurt, 2023
Back to top button