KFOR ofron mbështetje të sigurisë për përpjekjet diplomatike të BE-së
Forca paqeruajtëse e NATO-s në Kosovë tha se po ofron mbështetjen e nevojshme të sigurisë në mënyrë që përpjekjet diplomatike të udhëhequra nga BE të mund të ecin përpara.
Në një përgjigje për RTV21, KFOR tha se vendii për rihapjen e urës në Mitrovicë është një çështje që duhet të zgjidhet përmes dialogut politik.
Në fundjavën e kaluar Kuvendi i Komunës në Mitrovicën e Veriut mori vendim për rihapjen e urës kryesore mbi lumin Ibër, pas një propozimi të një asamblisteje të Lëvizjes Vetëvendosje.
Por forca paqeruajtëse e NATO-s tha se po vazhdon të vëzhgojë zhvillimet lokale dhe është e përqëndruar në zbatimin e mandatit për të siguruar një mjedis të qetë dhe të sigurt si dhe lirinë e lëvizjes për të gjitha komunitetet në Kosovë./21Media
Dëshiron ta dëgjosh këtë lajm me zë?