Kombëtarja e Kosovës mbërrin në Austri

 

“Dardanët” kanë mbërritur në Austri ku nesër mbrëma do ta zhvillojnë ndeshjen miqësore me Maltën. Ekipi kombëtar i Kosovës do ta mbajë sot një seancë të lehtë stërvitore para ndeshjes së nesërme me Maltën, e cila do të luhet në Klagenfurt të Austrisë me fillim prej orës 18:00

Ata synojnë të bëjnë paraqitje të mira dhe në fund të fitojnë ndaj Maltës, të cilën e kishin mposhtur dy herë në Ligën e Kombeve. Ekipi i Bernard Challandes është nisur drejt Austrisë pas sulmuesin kryesor, Vedat Muriqi, i cili ka kërkuar leje që të lirohet, njëjtë si portieri Samir Ujkani.

Për shkak të lëndimit të pësuar në ndeshjen me San Marinon, me ekipin nuk ka udhëtuar as Lorik Emini.

Kosova më pas, e përbërë kryesisht nga lojtarët e Superligës dhe nga ata që ftohen për herë të parë dhe që shihen me potencial për të ardhmen, do t’i zhvillojë edhe dy ndeshje miqësore, me Guinenë më 8 dhe me Gambinë më 11 qershor.

Back to top button