Fermerët e Komunës së Gjakovës, të cilët kanë pësuar dëme si pasojë e reshjeve të dy netëve më parë, do të dëmshpërblehen.

Lidhur me këtë çështje, Komuna e Gjakovës, përkatësisht Drejtoria për Bujqësi, Pylltari dhe Zhvillim Rural bashkë me Ministrinë e Bujqësisë, Pylltarisë dhe Zhvillimit Rural, ka njoftuar se kanë nisur procedurat për themelimin e komisionit i cili do të bëjë vlerësimin e dëmeve.

Fermerët e dëmtuar janë lutur që të drejtohen tek zyrat e Drejtorisë për Bujqësi, Pylltari dhe Zhvillim Rural për të paraqitur dëmet.

Reshjet e fundit të shiut dhe breshrit në vendin tonë kanë shkaktuar dëme të konsiderueshme në sektorin e bujqësisë. Ndërkohë që ende nuk ka shifra zyrtare për dëmet e shkaktuara./21Media