Kosova mposhtet nga Hungaria
(Lajm i përditësuar)
Kosova mposhtet nga Hungaria
Ka përfunduar ndeshja tejet interesante mes Hungarisë dhe Kombëtares së Kosovës, ku trajneri Franco Foda është njoftuar me humbjen e parë në krye të “Dardanëve”.
Pas më shumë se 90 minutave lojë të zhvilluara në stadiumin “Puskas Arena”, Kosova u mposht si mysafire e Hungarisë me shifrat 2:0
Golat për hungarezët i shënuan Dominik Szoboszlai (minuta e 58’) dhe Zsolt Nagy (minuta e 86’).
Pas fitores 1:0 ndaj Armenisë, Kosova e pëson 2:0 nga Hungaria dhe e mbyll ciklin e miqësoreve të këtij muaji me humbje.
Është shënuar edhe goli i dytë në stadiumin “Puskas Arena”, ku po luhet miqësorja mes Hungarisë dhe Kombëtares së Kosovës.
Hungaria e ka thelluar epërsinë në 2:0 kundër Kosovës, përmes golit të shënuar nga Zsolt Nagy,
Hungaria kalon në epërsi
Kombëtarja e Hungarisë ka kaluar në epërsi në ndeshjen miqësore ndaj Kosovës.
Ylli kryesor i hungarezëve, Dominik Szoboszlai, shënoi në minutën e 58-të për epërsinë 1:0 të vendasve.
Pjesa e parë: Kosova dominon por nuk e gjen golin kundër Hungarisë
Ka përfunduar pjesa e parë në ndeshjen tejet interesante mes Hungarisë dhe Kombëtares së Kosovës.
Pas më shumë se 45’ minutave lojë të zhvilluara në stadiumin “Puskas Arena” të Budapestit, Kosova po barazon 0:0 si mysafire e Hungarisë.
Fillon ndeshja Hungaria-Kosova
Ka filluar të zhvillohet minuta e parë në përballjen tejet interesante mes Hungarisë dhe Kombëtares së Kosovës.
Ndeshja e sotme është miqësore dhe po zhvillohet në stadiumin “Puskas Arena” të Budapestit.
Kjo është miqësorja e dytë e “Dardanëve” në krye me trajnerin e ri Franco Foda, pas fitores më 22 mars kundër Armenisë në Yerevan me shifrat 1:0.