Kurti: Kam falënderuar BE-në dhe SHBA-në për rikthimin e dialogut në rrugën e duhur
(Lajm i përditësuar)
Kryeministri i Kosovës, Albin Kurti ka mbajtur sot takim me ambasadorët e akredituar në Kosovë.
Përmes një postimi në “X” të njohur më parë si “Twitter” ai ka thënë se u ka ofruar atyre të rejat më të fundit mbi dialogun.
Ai ka thënë se takimin e ka filluar duke shprehur mirënjohje për Bashkimin Evropian dhe Shtetet e Bashkuara të Amerikës për përpjekjet e tyre për rikthimin e dialogut në rrugën e duhur, pas sulmit të 24 shtatorit.
“Sot u takova me ambasadorët e akredituar në Kosovë për t’iu ofruar atyre të rejat më të fundit mbi dialogun, siç është praktikë e zakonshme. Fillova duke shprehur mirënjohjen për BE-në dhe SHBA-në për përpjekjet e tyre për të rikthyer dialogun në rrugën e duhur pas sulmit terrorist të 24 shtatorit”, ka shkruar ai./21Media
Today, I met with accredited ambassadors in Kosova to provide them with the latest updates on the dialogue, as is our customary practice. I began by expressing gratitude to the EU and the U.S. for their efforts to get the dialogue back on track after the Sept 24 terrorist attack. pic.twitter.com/atsdLuqG8D
— Albin Kurti (@albinkurti) October 30, 2023
Përfundon takimi i ambasadorëve të akredituar me Kurtin
Takimi i kryeministrit Albin Kurti me ambasadorët e akredituar ka përfunduar.
Ata nuk kanë folur pas takimit.
Ambasadorët e akredituar i shkojnë në takim Kurtit
Ambasadorët e akredituar në Kosovë i kanë shkuar në takim kryeministrit Albin Kurti.
Ende nuk dihet arsyeja e këtij takimi, derisa po zhvillohet para takimit të Kurtit me presidenten e Komisionit Evropian, Ursula von der Leyen.
Von der Leyen do të takohet edhe me presidenten Vjosa Osmani.
Me Osmanin pritet të takohet në orën 13:30, ndërsa me Kurtin në 14:15.