Lajçak pritet të vizitojë Prishtinën javën e ardhshme

I dërguari i posaçëm evropian për dialogun Kosovë-Serbi, Miroslav Lajçak, pritet që javën e ardhshme të nisë turneun e tij diplomatik në Prishtinë dhe Beograd.
Lajmin fillimisht e bëri të ditur presidenti serb Vuçiq pas një takimi që zhvilloi me diplomatë amerikan.
Lajçak do të nisë turneun diplomatik në përpjekje për të rinisur dialogun Kosovë Serbi, në përpjekje për të përafruar qëndrimet e palëve për një marrëveshje përfundimtare, mbi një propozim evropian, ose franko gjerman.
Presidenti i Serbisë, Aleksandar Vuçiq, sot ka paralajmëruar takim me të dërguarin e posaçëm të Bashkimit Evropian për dialogun Kosovë-Serbi, Miroslav Lajçak, për datën 20 janar. Në një deklarim për media në Serbi, Vuçiqi këtë e ka quajtur takim të madh./21Media