Lajçaku takon Nulandin: Kosova dhe Serbia të kthehen në dialog
I dërguari i BE-së për dialogun Kosovë-Serbi, Miroslav Lajçak ka bërë të ditur se e ka takuar Nënsekretaren për Çështje Politike në Departamentin e Shtetit Amerikan, Victoria Nuland, me të cilën kanë diskutuar për situatën në Kosovë.
Lajçak ka thënë se me Nënsekretaren Nuland kanë ndarë vlerësimin e njëjtë për situatën në veri të Kosovës dhe për zgjidhjen e krizës.
Ata janë pajtuar se është i rëndësishëm de-përshkallëzimi i menjëhershëm dhe kthimi në dialogun e lehtësuar nga BE.
“Pata një bisedë shumë të mirë me Nënsekretaren Victoria Nuland. Ndamë vlerësimin e njëjtë për krizën në Kosovë dhe zgjidhjen e saj. U pajtuam mbi rëndësinë e de-përshkallëzimit të menjëhershëm dhe kthimit në Dialogun e lehtësuar nga BE”, ka shkruar Lajçak.
Had a very good conversation with @UnderSecStateP Victoria Nuland. We shared the same assessment of the situation in the north of Kosovo and the way out. Agreed on the importance of immediate de-escalation and return to the EU-facilitated Dialogue. pic.twitter.com/SHE65N3mZg
— Miroslav Lajčák (@MiroslavLajcak) June 20, 2023