Lajm i mirë për lehonat dhe fëmijët

Janë 164,388 fëmijë e 19,753 lehona që kanë pranuar shtesa që nga shtatori i vitit të kaluar e deri më sot. Kështu ka bërë të ditur ministri i Financave, Punës dhe Transfereve, Hekuran Murati.
Vetëm këtë muaj 10,853 fëmijë që i janë shtuar skemës së shtesave për fëmijë e 1,992 gra skemës së shtesave për lehonat.
Murati ka njoftuar se të hënën , Ministria e Financave, Punës dhe Transfereve do të realizojë pagesat për këto dy skema.
Shtesat për këta fëmijë janë nga 10 euro në muaj, ndërsa, nënat lehona të papuna për 6 muaj marrin nga 170 euro në muaj, ndërsa lehonat e punsuara marrin nga 170 euro për 3 muaj.
Ministri ka thënë se në muajin gusht do të hapin aplikimin për shtesat për fëmijët që kanë lindur në vitin 2013.
“Në muajin gusht do të hapim aplikimin për shtesat për fëmijë edhe për një gjeneratë, për të gjithë fëmijët që kanë lindur në vitin 2013. Kështu do të vazhdojmë deri në përmbushjen e plotë të premtimit për të përfshirë të gjithë fëmijët e Republikës deri në moshën 16 vjeçare në skemën e shtesave për fëmijë”, ka shkruar Murati në “Facebook”./21Media