Lipjan, aktivitetet sportive dhe argëtuese mbyllin Mërgata Fest&Sport

Ka përfunduar edicioni i parë i Mërgata Fest&Sport, aktivitet ky i organizuar nga Komuna e Lipjanit.
Qëllimi kryesor i këtyre aktiviteteve ishte afrimi i shqiptarëve në diasporë me popullin vendas.
Pjesëmarrës ishin kryetari i Lipjanit, Imri Ahmeti së bashku me organizatorët, si dhe zyrtarë nga Ministria e Kulturës Rinisë dhe Sportit.
Fillimisht, ky edicion filloi me disa aktivitete sportive, ku edhe u zhvilluan finalet në “beach volley”, mundje duarsh dhe shah.
Krahas sporteve, qytetarët të cilët ishin pjesëmarrës kishin mundësinë të argëtoheshin edhe me muzikë “live”, ku të pranishmit i argëtoi këngëtari i mirënjohur Sabri Fejzullahu si dhe këngëtarja Loreta Zeqiri.
Po ashtu, në sheshin “Adem Jashari” të Lipjanit u shtrua edhe sofra tradicionale.