Maqedoni, 100 milionë euro për mbështetje të kompanive vendore

 

 

Kryeministri i Maqedonisë së Veriut, Zoran Zaev, pas përfundimit të mbledhjes së Qeverisë, në konferencën për media prezantoi masën e 4-të ekonomike.

Kryeministri bëri të ditur se janë siguruar 100 milionë euro kredi nga Banka Zhvillimore për të mbështetur kompanitë vendore.

“100 milionë euro të reja kredi të favorshme nga Banka Zhvillimore të siguruara përmes Bankës Investuese Evropiane, të cilat do të vendosen përmes bankave ekonomike për të mbështetur kompanitë vendase”, tha Zaev./TV21