Mbi 200 trupa gjenden në rrënojat e një ndërtese në Mariupol

Trupat e 200 personave janë gjetur në rrënojat e një ndërtese të lartë në qytetin e kontrolluar nga Rusia Mariupol në Ukrainë, tha një këshilltar i kryetarit të bashkisë së qytetit, Petro Andryushchenko, në Telegram.
Trupat u gjetën me një “shkallë të lartë dekompozimi”, tha Andryushchenko, duke shtuar se vendasit kishin refuzuar t’i grumbullonin dhe autoritetet ruse e kishin braktisur vendin, duke lënë një erë të keqe në të gjithë qarkun, transmeton rtv21.tv.
Andryushchenko shtoi se një numër i madh kufomash janë të paketuara në një morg të improvizuar në Mariupol dhe “qyteti është kthyer në një varrezë të vazhdueshme”.
Pjesa më e madhe e qytetit u shkatërrua nga bombardimet e rënda ruse dhe luftimeve intensive në rrugë./21Media