Më shumë se 577 mijë raste të konfirmuara të koronavirusit u regjistruan në 24 orët e fundit në botë dhe numri i përgjithshëm i rasteve të tilla që nga fillimi i epidemisë ka tejkaluar 97,46 milionë, njoftoi sot Organizata Botërore e Shëndetësisë (OBSH).

Numri i rasteve të konfirmuara ishte 577.301 në 24 orët e kaluara dhe numri i vdekjeve 13.688.

Statistikat e përditshme të OBSH-së bazohen në të dhëna të konfirmuara zyrtarisht nga vendet.

Amerika e Veriut dhe e Jugut përbëjnë më shumë se 56% të numrit ditor të rasteve të reja COVID-19 (323.950 raste), pasuar nga Evropa (166,047 raste) dhe Azia Juglindore (29,198 raste).

Numri më i madh i rasteve COVID-19 u raportua nga SHBA (24,604,325), India (10,654,533), Brazili (8,753,920), Rusia (3,719,400), Britania e Madhe (3,617,463), Franca (2,985,259), Spanja (2,456,675), Italia (2,455,185), Gjermania (2,134,936), Kolumbia (1,987,418), Argjentina (1,853,830) dhe Meksika (1,732,290).