Meta: Bojkoti nuk është zgjidhje

Meta beson se ka ende kohë për zgjidhjen e krizës politike

Ilir Meta, i cili e dorëzon plotësisht të mërkurën LSI-në tek Petrit Vasili, beson se ka ende kohë për zgjidhjen e krizës politike.
Por Presidenti i zgjedhur nuk beson se kjo mund t; ndodhe, nëse opozita nuk heq dorë nga ultimatumet dhe konfrontimet.
“Ne demokraci nuk mund të t’i japin të gjitha. Absolutisht është e domosdoshme që duhet të luftosh që t’i fitosh ato të drejta demokratike që i takojnë opozitës dhe çdo qytetari. Dhe prandaj është edhe opozita për t’i fituar këto të drejta. Dhe të jete aktive, pjesëmarrëse, sepse bojkoti asnjëherë nuk është zgjidhje”, shprehet Meta.
Por edhe pa Ilir Metën në krye, për LSI-në standardi i zgjedhjeve do të vazhdojë të jetë një prioritet.
“Do të vazhdojë të jetë i orientuar fort edhe në ditët që vijnë në funksion të një objektivi të rëndësishëm politik, në realizimin e zgjedhjeve të lira e të ndershme pa të cilat nuk mund të ketë një demokraci që funksionon, asnjë shtet që besohet dhe as legjitimitet që të jetë i pranuar nga të gjithë”, u shpreh Vasili.
Petrit Vasili, i cili zgjidhet të mërkurën zyrtarisht kryetar i LSI-së, ka edhe një objektiv tjetër po aq të rëndësishëm sa standardi i zgjedhjeve
“Ne sot kemi solemnisht një objektiv politik te patjetërsueshëm, LSI forcë e parë në zgjedhjet e 2017. Sfida është ne të fitojmë me modesti dhe këmbëngulje”, shtoi Vasili.
Që LSI e ka seriozisht këtë objektiv që e fut në garë të fortë me Partinë Socialiste, e konfirmoi edhe Ilir Meta, kur iu referua slloganit të LSI “një shans për të gjithë”.
“T’i japim Petrit Vasilit një shans për të qenë numri 1 i LSI, apo jo. Me përkrahjen tuaj mund të bëhet edhe njëshi i qeverisë”, theksoi Meta.

Artikuj të ngjashëm

Back to top button
close button