Milani shënoi fitore, pret gabimin e Interit për t’u shpallur kampion

Milani sot ka shënuar fitore të madhe në xhiron e parafundit të Serie-A duke e mposhtur Atalantën me rezultat 2-0 në ndeshjen e zhvilluar në “San Siro” të dielën.
Me tri pikët e reja Milani tashmë e ka thelluar diferencën në pesë pikë me Interin.
Përkundër se e ka dominuar ndeshjen, skuadra e Piolit nuk e ka gjetur golin në 45 minutat e para, por ka qenë më e saktë në pjesën e dytë.
Rafael Leao dhe Theo Hernandez kanë realizuar në minutat 56’ dhe 75’ për ta ofruar skuadrën e tyre shumë afër titullit.
Nga ora 20:45, Interi do të ballafaqohet me Cagliarin në udhëtim dhe nëse skuadra e Inzagit nuk shënon fitore, atëherë Milani do të shpallet që sonte kampion.