Mjekët ukrainas operojnë me llambë dore për shkak të mungesës së rrymës

Sulmet e së mërkurës shkaktuan kërdi në të gjithë Ukrainën me kryeqytetin Kiev, qytetin perëndimor të Lviv dhe të gjithë rajonin e Odesës duke i lënë në errësirë.
Mjekët ukrainas kanë filluar të kryejnë operacione me dritë pishtari për shkak të ndërprerjeve të energjisë elektrike.
Në një spital të Kievit, mjekët po kryenin një operacion në zemër një fëmije kur iu ndërpre rryma. Dr. Borys Todurov postoi një video në Instagram që tregonte kirurgët duke punuar nën dritën e fenerëve të tyre teksa prisnin që gjeneratori të futej brenda.
Drejtori i një spitali në rajonin qendror të Dnipropetrovsk, përtej lumit nga termocentrali bërthamor i pushtuar nga Rusia, Zaporizhzhia, tha se “dhjetëra pacientë në gjendje kritike ishin në tavolinat e kirurgjisë në Spitalin Mechnikova” kur filloi ndërprerja e energjisë elektrike.
“Anesteziologët dhe kirurgët vendosin fenerët për të shpëtuar secilin prej tyre”, shkroi Dr Sergii Ryzhenko në Facebook.
Ai postoi një foto të dy mjekëve, për të cilët tha se ishin Jaroslav Medvedyk dhe Kseniya Denysova, duke operuar një 23-vjeçar./21Media