Molliqaj thotë se është arrestuar aktvistja e PSD-së që tentoi të pengojë fjalimin e Kurtit

Kryetari i Partisë Socialdemokrate (PSD), Dardan Molliqaj, ka deklaruar se arrestimi i aktivistes Donjeta Demolli është i papranueshëm.

PSD-ja përmes një aksioni tentoi t’ia ndërpriste fjalën e kryeministrit Albin Kurti gjatë “Ulpiana Forum”, të enjten.

“Por Albin Kurti e di më mirë se kushdo: nuk mund të ketë qetësi e normalitet, me Zajednicën që po ia sjell Kosovës. E mbase kjo po i pengon më së shumti. Kërkojmë menjëherë lirimin e aktivistes së PSD-së Donjeta Demolli”, thuhet në reagimin e Molliqaj.