Mustafa-Kosnett diskutojnë për zhvillimet politike në Kosovë
Mustafa takohet me Kosnett
Kryetari i LDK-së, Isa Mustafa, sot ka takuar ambasadorin e SHBA-së në Prishtinë, Philip Kosnett, me të cilin ka biseduar për zhvillimet politike në vend.
Mustafa e falënderoi diplomatin amerikan për mbështetjen që SHBA i ka dhënë Kosovës në etapa të rëndësishme të shtet-ndërtimit.
Ai po ashtu e njoftoi ambasadorin amerikan për vlerësimet e LDK-së për dialogun me Serbinë.
Ndërsa, ambasadori Philip Kosnett inkurajoi gjithëpërfshirje në procesin e dialogut, duke vlerësuar edhe rolin e LDK-së.